CAUAYAN CITY, Isabela – Tinagibassit ni  Governor Grace Padaca ti rally itay bigat ti nasurok dua ribu nga mannalon manipud iti naduma-duma nga ili ti Isabela.

Dagiti mannalon ket nagdidinnanon nga immuna sadiay Gov. Melanio Singson Sports Complex sakbay nga nagturong da iti Provincial Capitol.

Iti pannakiinuman ti Bombo Radyo Cauayan, kinuna ni Gov. Padaca nga saan nga nagbabay-a ti provincial government tapno maipatungpal dagiti mitigating measures para kadagiti mannalon.

Segun ken Padaca, imposible nga amin nga mannalon ket matulunganda  iti kumar-karu nga tikag.

Mamati ti Lady Governor nga dagiti kabalubal na nga pulitiko iti adda iti likudan dagiti nag-rally nga mannalon babaen iti tulong ti grupo a Pader nga idauluan ti dua nga brodkaster.

Kabayatanna, inlibak met ni Mr. Edwin Asis, empleado ti Cauayan City government ken adda programa na iti maysa nga istasyon ti radyo nga kukua ti pamilya Dy nga maysa isuna kadagiti nag-organisa iti rally.

Iginiit ni Asis na nagturong isuna sadiay Provincial Capitol tapno i-cover ti rally ken awan kabaelanna nga iwayat ti akusasyon kenkuana ni Gov. Padaca.

Kinuna ni Asis nga saan isuna nga agpapaaramat kadagiti pulitiko ken awan kabaelanna nga diktaran dagiti mannalon tapno ag-rally da.